Newchecker.in is an independent fact-checking initiative of NC Media Networks Pvt. Ltd. We welcome our readers to send us claims to fact check. If you believe a story or statement deserves a fact check, or an error has been made with a published fact check
Contact Us: [email protected]
Fact Check
කුරුණෑගල, සිංහපුර පාරේ, පරගහදෙනියේ කුඹුරකින් හමුවූ ළදරුවා පෙන්වන වීඩියෝවක්.
මෙම වීඩියෝව නොයෙකුත් අවස්ථාවලදී සමාජ මාධ්යවල පළ කරන ලද වෙනත් ළදරුවන් දෙදෙනෙකුගේ ක්ලිප් එකතුවකි.
මේ දිනවල කුරුණෑගල, පරගහදෙනියේ, සිංහපුර පාරේ කුඹුරකින් හමු වූ ළදරුවෙකු පෙන්වන බව පවසමින් වීඩියෝවක් සමාජ මාධ්යවල සංසරණය වෙමින් පවතී.
TikTok හි පරිශීලකයෙකු දෙමළ භාෂාවෙන් මෙම ශීර්ෂ පාඨය සහිතව මෙම වීඩියෝව බෙදා ගත්තේය: “දින දෙකකට පෙර ශ්රී ලංකාවේ, පරගහදෙනියේ, සිංහපුර පාරේ කුඹුරකින් හමු වූ ළදරුවාගේ මෑත කාලීන ඡායාරූපයක් … මේ කුඩා දේවදූතයාගේ සුන්දරත්වය බලන්න.”
ළදරුවාගේ රූප සහ වීඩියෝ අඩංගු මෙම සටහන්, TikTok, Facebook, YouTube සහ X හි වයිරල් වී ඇත. මෙම සටහන් මෙතැනින්, මෙතැනින්, මෙතැනින්, මෙතැනින්, සහ මෙතැනින් දැක ගත හැකිය.
ජූලි 17 බ්රහස්පතින්දා දහවල් කුරුණෑගල, සිංහපුර, පරගහදෙනිය ප්රදේශයේ කුඹුරකින් දින දෙකක් වයසැති අලුත උපන් බිළිඳෙකු පණපිටින් බේරා ගත් බවට මාවතගම පොලිසියේ ප්රකාශයක් ඇතුළත් ප්රවෘත්ති වීඩියෝවක් අපි මුලින්ම පරීක්ෂා කළෙමු.
කෙසේ වෙතත්, මෙම පොලිස් ප්රකාශයේ බිළිඳාගේ කිසිදු ඡායාරූප හෝ වීඩියෝ දර්ශන අඩංගු නොවේ.
සමාජ මාධ්යවල සංසරණය වන වීඩියෝවේ යතුරු රාමු ප්රතිලෝම රූප සෙවුම් (reverse image search) ක්රම භාවිතා කරමින් විශ්ලේෂණය කළෙමු. මෙම වීඩියෝවේ පෙන්වන්නේ වෙනත් බිළිඳුන් දෙදෙනෙකු බවත්, ඒවා වෙනත් සමාජ මාධ්ය ගිණුම් දෙකක් විසින් මෙම සිදුවීමට පෙර බෙදා ගන්නා ලද ඒවා බවත් අපට පෙනී ගියේය.
එවැනි වීඩියෝවක් අප්රේල් 26 වන දින Ihaan_aizel නම් Instagram පිටුව මගින් පළ කර ඇති බව සොයා ගන්නා ලදී. අනෙක් වීඩියෝව ජූලි 15 වන දින Cute Babies නම් YouTube නාලිකාවේ පළ කරන ලදී.
තවද, මෙම වීඩියෝ ජූලි 17 වන දින කුරුණෑගල, සිංහපුර පාරේ කුඹුරකින් ළදරුවා බේරා ගැනීමට පෙර අන්තර්ජාලයේ පළ කරන ලද ඒවා ය.
කුරුණෑගල, මාවතගම, සිංහපුර පාරේ, පරගහදෙනිය ප්රදේශයේ කුඹුරක තිබී හමු වූ බිළිඳාගේ වීඩියෝවක් ලෙස පවසමින් වයිරල් වන වීඩියෝව අසත්යයි. මෙම දර්ශන වෙනත් බිළිඳුන් දෙදෙනෙකු ඇතුළත් ක්ලිප් එකතුවකි.
අපේ මූලාශ්ර
අද දෙරණ YouTube හි පළ වූ ප්රවෘත්ති වාර්තාව, ජූලි 17, 2025
Ihaan_aizel Instagram පිටුවේ පළ කරන ලද ළදරුවාගේ වීඩියෝව, අප්රේල් 26, 2025
Cute Babies YouTube නාලිකාවේ පළ කරන ලද ළදරුවාගේ වීඩියෝව, ජූලි 15, 2025