පාර්ලිමේන්තු මන්ත්‍රී සමන්ත විද්‍යාරතනගේ ඉන්ධන මිලට එරෙහි විරෝධතාව පෙන්වන වයිරල් වීඩියෝව 2021 එකක්

TikTok හි සංසරණය වන වීඩියෝවක, දැනට වැවිලි හා යටිතල පහසුකම් අමාත්‍යවරයා ලෙස සේවය කරන සමන්ත විද්‍යාරතන විරෝධතාවක් අතරතුර මාධ්‍ය අමතමින් සිටින ආකාරය පෙන්වයි. ඉන්ධන මිල ඉහළ යාම, ආහාර පිරිවැය සහ ආර්ථික දුෂ්කරතා සම්බන්ධයෙන් ඔහු රජය විවේචනය කරන බවත්, නායකයින්ට ජනයාට දුෂ්කර මේ අවස්ථාවන් පාලනය කළ නොහැකි නම් ඉල්ලා අස්වන ලෙස ඉල්ලා සිටින බවත් සිංහල ශීර්ෂ පාඨයෙන් කියැවේ. 

2026 මාර්තු මාසයේදී TikTok හි මෙසේ බෙදා ගන්නා ලද වීඩියෝවලින් පෙනී යන්නේ විද්‍යාරතනගේ ප්‍රකාශයන් එක්සත් ජාතික ජනපදය, ඊශ්‍රායලය සහ ඉරානය සම්බන්ධ ගැටුම් ඇතුළු ගෝලීය ආතතීන් නිසා ලංකාවේ සිදු වී ඇති වත්මන් ඉන්ධන අර්බුදයට සම්බන්ධ බවයි. රජයේ අමාත්‍යවරයෙකු ලෙස තම වත්මන් භූමිකාව තුළ විද්‍යාරතන වත්මන් පරිපාලනය විවේචනය ආණ්ඩුව විවේචනය කිරීම සැක සහිත නිසා Newschecker අපි මේ වීඩියෝවේ සත්‍යය සොයා බැලීමට තීරණය කළෙමු.

Evidence

වත්මන් රජයේ ඉන්ධන මිල ඉහළ දැමීමට එරෙහිව සමන්ත විද්‍යාරතන විරෝධතාවලට සහභාගී වූ බවට ප්‍රධාන ධාරාවේ මාධ්‍යවල මෑත කාලීන වාර්තා තිබේදැයි අපි මුලින්ම පරීක්ෂා කළ අතර එවැනි වාර්තා කිසිවක් හමු නොවීය.

වීඩියෝවේ සිටින පුද්ගලයින් මුහුණු ආවරණ (face mask) පැළඳ සිටින බව ද අපි දුටුවෙමු, එයින් ඇඟවෙන්නේ එම දර්ශන COVID-19 කාල පරිච්ඡේදය තුළ හෝ ඉන් ටික කලකට පසු පටිගත කර ඇති බවත්, එය මෑත කාලීන එකක් විය හැකි බවත්ය.

වීඩියෝවේ යතුරු රාමු (key frame) විශ්ලේෂණය හරහා, අපි එය 2021 ජුනි 22 වන දින “JVP Italia” විසින් ප්‍රකාශයට පත් කරන ලද Facebook සටහනකින් බව සොයා ගත්තෙමු. එම සටහනේ එම විරෝධතාවයේම පින්තූර ඇති අතර එය ඉන්ධන මිල සහ ජීවන වියදම ඉහළ යාමට එරෙහිව ජනතා විමුක්ති පෙරමුණ විසින් පවත්වන ලද ජාතික ව්‍යාපාරයක කොටසක් බව තහවුරු කර ගත හැකි විය අතර, එය විද්‍යාරතනගේ නායකත්වයෙන් බදුල්ලේ පැවති විරෝධතාවක් බවද තහවුරු විය.

මෙම දර්ශන News First Sri Lanka සිංහල සහ ඉංග්‍රීසි Prime Time ප්‍රවෘත්ති ඔස්සේ  2021 ජුනි 22 එකම දිනයේ විකාශය වූ බවත්, කාලය සහ සන්දර්භය අපි තවදුරටත් තහවුරු කර ගත්තෙමු.

ඒ අවස්ථාවේදී, ගෝඨාභය රාජපක්ෂ පාලනය යටතේ හඳුන්වා දුන් ප්‍රතිපත්තිවලට, විශේෂයෙන් ම පොහොර තහනමට එරෙහිව විරෝධතාවය යොමු වූ අතර, එම වීඩියෝව විද්‍යාරතනගේ වත්මන් අමාත්‍ය භූමිකාවට පෙර සිදු වූවක් බව සනාථ විය. 

Context

එක්සත් ජාතික ජනපදය, ඊශ්‍රායලය සහ ඉරානය සම්බන්ධ ගෝලීය ආතතීන් ඉන්ධන මිල සහ ආර්ථික ස්ථාවරත්වය පිළිබඳව ලෝකය පුරා කනස්සල්ලට හේතු වී තිබේ. ශ්‍රී ලංකාවේ මෙම අවස්ථාව ජීවන වියදම පිළිබඳ සාකච්ඡා නැවතත් ආරම්භ කර ඇත. මේ අතරතුර, 2021 වසරේ පැරණි විරෝධතා දර්ශන නැවත සංසරණය වීම වත්මන් සිදුවීම් සමඟ නොමඟ යවන ලෙස ජනතාව අතර ව්‍යාකූලත්වයක් ඇති කර තිබේ.

Verdict

සමන්ත විද්‍යාරත්න ඉන්ධන මිල ඉහළ යාම සහ ජීවන වියදම් සම්බන්ධයෙන් වත්මන් රජයට එරෙහිව විරෝධතා දක්වන බව පවසන වයිරල් වීඩියෝව නොමඟ යවන සුළුය. මෙම වීඩියෝව සමන්ත විද්‍යාරත්න වැවිලි හා ප්‍රජා යටිතල පහසුකම් අමාත්‍ය ධුරයට පත්වීමට පෙර, ගෝඨාභය රාජපක්ෂ පරිපාලනය යටතේ හඳුන්වා දුන් ප්‍රතිපත්තිවලට එරෙහිව 2021 ජුනි 22 වන දින කරන ලද විරෝධතාවයක වීඩියෝවක් වන අතර එය වත්මන් රජයට සහ ඉන්ධන අර්බුදයට සම්බන්ධ නැත.

FAQs 

Q1. විද්‍යාරත්න වර්තමානයේ සිදුවෙන ඉන්ධන මිල ගණන් සහ ජීවන වියදම්වලට එරෙහිව විරෝධතා දක්වනවාද?
නැත. ඉන්ධන මිල ගණන් හෝ ජීවන වියදම පිළිබඳ වත්මන් රජයේ ප්‍රතිපත්තිවලට එරෙහිව ඔහු මෑත කාලීන විරෝධතාවලට සහභාගී වී නොමැත.

Q2. වීඩියෝව ඇත්ත වශයෙන්ම පටිගත කළේ කවදාද?
වීඩියෝව 2021 ජුනි 22 වන දින, හිටපු ජනාධිපති ගෝඨාභය රාජපක්ෂ යටතේ පොහොර තහනම ඇතුළු ප්‍රතිපත්තිවලට එරෙහිව ජනතා විමුක්ති පෙරමුණ විසින් බදුල්ලේ සංවිධානය කරන ලද විරෝධතාවයක් අතරතුර සිදු කරන ලද්දකි.

Q3. මෙම වීඩියෝව දැන් සමාජ මාධ්‍යවල බෙදා ගන්නේ ඇයි?
2021 වසරේ පැරණි දර්ශන සමාජ මාධ්‍යවල නැවත බෙදා ගනිමින් පවතින අතර, සමන්ත විද්‍යාරත්නගේ වර්තමාන දේශපාලන ස්ථාවරය පිළිබඳව ජනතාව අතර ව්‍යාකූලත්වයක් ඇති කරයි.

Our Sources

JVP Italia Facebook සටහනක්, 2021 ජුනි 22 
News First Sri Lanka Sinhala Prime Time News හි YouTube වීඩියෝව, 2021 ජුනි 22
News First Sri Lanka English Prime Time News හි YouTube වීඩියෝව, 2021 ජුනි 22