Newchecker.in is an independent fact-checking initiative of NC Media Networks Pvt. Ltd. We welcome our readers to send us claims to fact check. If you believe a story or statement deserves a fact check, or an error has been made with a published fact check
Contact Us: [email protected]
Fact Check
2025 චෙම්මනි සමූහ මිනීවළ කැණීමේදී මතු වූ තම බිළිඳා වඩාගෙන සිටින මවකගේ අස්ථි කොටස් දැක්වෙන රූපයක්
මෙම වයිරල් කොලෙජ් එක AI විසින් ජනනය කරන ලද්දකි. කැණීම්වල මූලික පරීක්ෂණ වලදී වැඩිහිටි ඇටසැකිල්ලක් අසල කුඩා දරුවෙකුගේ ඇටසැකිලි කොටස් හමු වූ බව වාර්තා වුවද, එම දේහයන්ගේ අනන්යතාවයන් තහවුරු කර නොමැත. මෙතෙක් සොයා ගන්නා ලද දේහයන් අතර මවක් තම දරුවා තබාගෙන සිටින බවට නිල සාක්ෂි නොමැත.
යාපනයේ චෙම්මනි–සින්තුපති සමූහ මිනීවළේ කැණීම් කටයුතුවල දෙවන අදියර මේ වන විට සිදුවෙමින් පවතී. මෙම කැණීම් නිසා ශ්රී ලංකාවේ සිවිල් යුද්ධය අතරතුර නීති විරෝධීව කරන ලද ඝාතන කෙරෙහි මහජන අවධානය යොමු වෙමින් පවතී. පසුගිය සතිය පුරා සිදු කරන ලද කැණීම් වලදී, පුරාවිද්යාඥයින් පුද්ගලයින් එහි වළලා ඇති බව තහවුරු කරන ඇඳුමක්, බෑගයක්, සෙරෙප්පු සහ සෙල්ලම් බඩු ද සොයා ගත්හ.
මෙම සන්දර්භය තුළ, රූප දෙකක කොලෙජ් එකක් සහිත Facebook සටහනක් වයිරල් වෙමින් පවතී: එකක් කාන්තාවක් ළදරුවෙකු වඩාගෙන සිටින ආකාරය සහ අනෙක චෙම්මනි සමූහ මිනීවළෙන් කැණීම් කරන ලද ඇටසැකිල්ලක් පෙන්වන බව මෙම සටහන පවසයි. දෙමළ භාෂාවෙන් දිගු ශීර්ෂ පාඨයක් සමඟ එය අස්ථි කොටස් ගැන සඳහන් කරයි. එයට මෙසේ කියවෙන දෙමළ hashtag ද ඇතුළත් වේ: #மண்ணுக்குள் (වළ/පස ඇතුළත) #ஒரு #மகாகாவியம் (විශේෂ කතාවක්).
එම රූපයම Facebook, TikTok, X සහ Instagram හි එකම hashtag සහ විවිධ චිත්තවේගීය සිරස්තල සමඟ වයිරල් වෙමින් පවතී. උදාහරණ මෙහි, මෙහි, මෙහි, මෙහි, සහ මෙහි දැකිය හැකිය. මෙම සටහන්වලින් දක්වන්නේ මෙම ඇටසැකිලි චෙම්මනි කැණීම් අතරතුර සොයා ගත් බවයි.
සමාජ මාධ්යවල සංසරණය වන රූපය සත්යද යන්න තහවුරු කර ගැනීම සඳහා, අපි මූල පද සෙවීමක් (keyword search) සහ ප්රතිලෝම රූප සෙවීමක් (reverse image search) සිදු කළෙමු. මේ හරහා අපට මෙම සටහන් අසත්ය බව තහවුරු කරන ප්රවෘත්ති වාර්තාවක් හමු විය. 2025 ජුනි 30 වන දින, Daily Mirror වාර්තාවක් ප්රකාශයට පත් කළේ මෙම රූපය පාර්ලිමේන්තු මන්ත්රී අර්චුනා රාමනාදන් විසින් එදිනම පාර්ලිමේන්තු සැසිවාරයක පෙන්වූ බවයි. වාර්තාව රූපය අසත්ය බවත්, කැණීමේ දෙවන අදියරේදී බිළිඳෙකු වඩාගෙන සිටින මවකගේ අස්ථි කොටස් කිසිවක් හමු වී නොමැති බවත් පවසයි.
ඉන්පසු අපි වයිරල් රූපය සත්ය නොවන බව පෙන්නුම් කරන අංග කිහිපයක් දුටුවෙමු. උදාහරණයක් වශයෙන්, කොලෙජ් එකේ ඇති රූප දෙකෙහිම අසාමාන්ය ලෙස නොපැහැදිලි ලක්ෂණ ඇති අතර, දරුවාගේ ඇටසැකිල්ල අස්වාභාවික හිසක සහ මුහුණක ව්යුහයක් පෙන්නුම් කරයි.
මේ නිසා අපි Hive Moderation සහ WasItAI වැනි AI හඳුනාගැනීමේ මෙවලම් භාවිතයෙන් රූපය විශ්ලේෂණය කළ අතර, එමඟින් රූපය AI විසින් ජනනය කරන ලද බව තහවුරු විය.
කැණීම් ස්ථානයේ ගන්නා ලද මුල් රූප ද අපි පරීක්ෂා කළෙමු. උතුරේ වෙසෙන මාධ්යවේදීන් දෙදෙනෙකු වන කුමනන් කානා සහ ප්රභාකරන් ඩිලක්සානන් නිරන්තරයෙන් කැණීම් ආවරණය කරමින් ඔවුන්ගේ සමාජ මාධ්ය වේදිකාවල යාවත්කාලීන තොරතුරු බෙදා ගනිති. මාධ්යවේදීන් දෙදෙනාම වළ පරීක්ෂණවල අවසාන දිනය වන 2025 ජුනි 7 කැණීම්වල මූලික වළ පරීක්ෂණ අතරතුර ගන්නා ලද වැඩිහිටි ඇටසැකිල්ලක් අසල ළදරුවෙකුගේ අස්ථි කොටස් දක්නට ලැබෙන රූපයක් අපට හමු විය. මෙහි සහ මෙහි දැකිය හැකිය.
2025 ජුනි 8 වන දින Tamil Guardian විසින් ප්රකාශයට පත් කරන ලද ප්රවෘත්ති වාර්තාවක ද එම රූපයම ඇතුළත් විය. ඊට අමතරව, 2025 ජූලි 2 වන දින YouTubeහි ප්රකාශයට පත් කරන ලද Al Jazeera ඉංග්රීසි වාර්තා චිත්රපටයක දර්ශනවල මෙම අස්ථි කොටස්ම පෙන්වයි.
2025 චෙම්මනි සමූහ මිනීවළ කැණීමේදී සොයා ගන්නා ලද තම දරුවා වඩාගෙන සිටින මවකගේ අස්ථි කොටස් පෙන්වන බව පවසන වයිරල් රූපය අසත්ය වන අතර එය AI මගින් ජනනය කරන ලද්දකි. කැණීමේ මූලික වළ පරීක්ෂණ වලදී වැඩිහිටි ඇටසැකිල්ලක් අසල කුඩා දරුවෙකුගේ අස්ථි කොටස් හමු වූ බව වාර්තා වුවද, දේහයන්ගේ අනන්යතාවය තහවුරු කර නොමැත.
අපගේ මූලාශ්ර
HIVE Moderation
WasItAI
Tamil Guardian ප්රවෘත්ති වාර්තාව, 2025 ජූලි 4
Daily Mirror ප්රවෘත්ති වාර්තාව, 2025 ජූලි 2
News Cut ප්රවෘත්ති වාර්තාව, 2025 ජුනි 30
Newswire ප්රවෘත්ති වාර්තාව, 2025 ජූලි 2
Daily Mirror ප්රවෘත්ති වාර්තාව, 2025 ජුනි 30
Al Jazeera English YouTube වාර්තා චිත්රපටය, 2025 ජූලි 2
NewsFirst දෙමළ YouTube ප්රවෘත්ති වීඩියෝව, 2025 ජුනි 7
Tamil Guardian ප්රවෘත්ති වාර්තාව, 2025 ජුනි 8
චෙම්මනි කැණීම් භූමියේදී ගන්නා ලද මුල් රූප සහිත මාධ්යවේදී කුමනන් කානාගේ Facebook සටහන, 2025 ජුනි 7
චෙම්මනි කැණීම් භූමියේදී ගන්නා ලද මුල් රූප සහිත මාධ්යවේදී ප්රභාකරන් ඩිලක්සානන්ගේ Facebook සටහන, 2025 ජුනි 7